अध्यक्ष बृजभूषणविरुद्ध यौन उत्पीडनको संगीन आरोप, कुस्ती खेलाडी उत्रिए मैदानमा

भारतका राष्ट्रिय तथा अन्तर्राष्ट्रियस्तरमा पदक विजेता कुस्ती खेलाडीहरुले भारतीय कुस्ती महाससंघका अध्यक्ष बृजभूषण शरण सिंहविरुद्ध यौन उत्पीडनको आरोप लगाउँदै उनलाई पदबाट हटाउन माग राख्दै मैदानमा उत्रिएका छन् ।

ओलम्पिक पदक विजेता बजरङ्ग पुनिया, विनेश फोगाट, साक्षी मलिक र रवी दहिया लगायत चर्चित ३० जना कुस्ती खेलाडीहरुले अध्यक्ष बृजभूषण माथि यौन उत्पीडनको आरोप लगाउँदै तीन दिन जन्तर मन्तरमा धर्ना बसेका थिए ।

कुस्ती महासंघका अध्यक्ष बृजभूषणकाविरुद्धमा खेलाडीहरु धर्नामा बसेपछि भारत सरकारले भारतकि चर्चित महिला बक्सर मेरी कोमको अध्यक्षतामा पाँच सदस्यीय छानविन समिति गठन गरेको छ ।

धर्नामा बसेका कुस्ती खेलाडीसँग केन्द्रीय खेलकुदमन्त्री अनुराग ठाकुरले वैठक गरेपछि त्यसपछि पाँच सदस्यीय छानविन समिति गठन गरिएको हो ।

मेरीको अध्यक्षतामा गठन भएको उक्त पाँच सदस्यीय छानविन समितिमा कुस्तीका ओलम्पिक पदक विजेता योगेश्वर दत्त, पूर्व ब्याडमिन्टन खेलाडी तथा मिसन ओलम्पिक सेलकि सदस्य तृप्ति मुरगुन्डे, टाप्सका पूर्व सीईओ राजगोपालन र भारतीय खेल प्राधिकरणका पूर्व कार्यकारि निर्देशक राधिका श्रीमन रहेका छन् ।

कमनवेल्थ गेम्स् २०२२ मा कुस्तीतर्फ स्वर्ण पदक विजेता विनेश फोगटले महासंघका अध्यक्ष बृजभूषणले वर्षौंदेखि महिला कुस्ती खेलाडीहरुमाथि यौन उत्पीडन गर्दै आएको आरोप लगाएकि छिन् । तर अध्यक्षले भने यो आरोपको खण्डन गरेका छन् ।

मेरी कोमको अध्यक्षतामा गठन भएको यो छानविन समितिले अब महासंघका अध्यक्ष बृज भूषणकाविरुद्ध लागेको यौन उत्पीडनको बारेमा निश्पक्ष छानविन गर्नेछ । साथै एक महिनासम्म कुस्ती महासंघको गतिविधिको बारेमा समेत निगरानी गर्ने छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया दिनुहोस् :