विश्व चर्चित क्रिकेटर सचिन तेन्डुल्करले नक्कली विज्ञापनको रोष प्रकट गर्दै मुम्बई पुलिसमा उजुरी दर्ता गराएका छन् ।
सचिनले मुम्बई पुलिसको क्राइम ब्रान्चमा दर्ता गरेको उक्त उजुरीमा आईपीसीका विभिन्न धारा उल्लेख गरेका छन् । साथै सचिनले उजुरी सम्बन्धमा एक ट्वीट गर्दै सबैलाई सावधान हुन अनुरोध गरेका छन् ।
मास्टर ब्लास्टर सचिनले विभिन्न विज्ञापनमा उनको आवाज, फोटो र नामको प्रयोग गरेको प्रहरीमा दर्ता गरेको उजुरीमा उल्लेख गरेका छन् । सचिनको यस्तो उजुरी आएपछि तुरुन्तै मुम्बई पुलिसले एफआईआर दर्ता गरेको थियो ।
यस्तो सबै कार्य इन्टरनेटको माध्यमवाट भइरहेको खुलासा भएपछि मुम्बई पुलिसको साइबर सेलले अज्ञात व्यक्तिको विरुद्धमा आईपीसीको धारा ४२६, ४६५ र ५०० अनुसार कारवाहि अगाडि बढाएको छ ।
