स्पेनीस ला लिगा फुटबल अन्तर्गत शनिबार राति भएको खेलमा बार्सिलोनाले सहज जित हासिल गरेको छ ।
घरेलु मैदानमा भएको खेलमा बार्सिलोनाले रियल बेटिसबिरुद्ध ५-० गोलको सहज जित हासिल गरेको हो ।
बार्सिलोनाको जितका लागि जोओ फेलिक्स, रोबर्ट लेवान्डोस्की, फेरान टोरेस, राफिन्हा र कान्सेलोले समान १-१ गोल गरे ।
यस जितसँगै पाँच खेलबाट १३ अंक जोडेको बार्सिलोना तालिकाको शीर्ष स्थानमा उक्लिएको छ ।
यता पराजित बेटिस समान ५ खेलमा ७ अंकका साथ नवौं स्थानमा रहेको छ ।
