आईसीसी टी २० अन्तर्राष्ट्रिय वरियता क्रममा भारतका स्पीनर रवि बिस्नोई नम्बर एक खेलाडी बन्न सफल भएका छन् । टी २० को शिर्ष स्थानमा पुग्न विस्नोईले अफगानिस्तानका राशिद खानलाई पछि पारेका हुन् । अन्तर्राष्टिय टी२० क्रिकेटको शिर्ष स्थानमा लामो समयदेखि अफगानिस्तानका राशिद खान कब्जा जमाएका थिए।
हालै भारत र अष्ट्रेलियाबिच भएको पाँच सिरिजको टी २० क्रिकेटमा विश्नोईले उत्कृष्ट प्रदर्शन गरेका थिए । यो सिरिजमा विश्नोईले पाँच खेलमा ९ विकेट लिन सफल भएका थिए । उनी यो सिरिजमा प्लेयर अफ द सिरिज समेत बनेका थिए ।
अहिले टी २० अन्तर्राष्ट्रिय क्रिकेटमा शिर्ष स्थान हात पार्न सफल विस्नोईको कुल ६९९ अङ्क रहेको छ । त्यस्तै दोश्रो स्थानमा रहेका अफगानिस्तानका राशिद खानको ६९२ अङ्क रहेको छ । तेस्रो स्थानमा रहेका श्रीलंका वानिदु हसरङ्गाको ६७९ अङ्क रहेको छ । त्यस्तै आदिल रशिद र महिष तिक्षणा चौथो र पाँचौ स्थानमा रहेका छन ।
