इन्डियन प्रिमियर लिग (आईपीएल) २०२४ अन्तर्गत आज विहिबार सनराइजर्स हैदरावाद र गुजरात टाइटन्सबिच भिडन्त हुँदैछ । राजीव गान्धी इन्टरनेशनल स्टेडियममा आयोजना हुने आजको खेल नेपाली समयानुसार राती ७:४५ देखि शुरु हुनेछ ।
जारी आईपीएलमा हैदरावाद १४ अङका साथ अङ्क तालिकामा ४ चौथो स्थानमा रहेको छ । हैदरावादले १२ खेलमा ७ खेल जित्नुको साथै पाँच खेलमा पराजित भएको छ । त्यस्तै गुजरातको १३ खेलमा ११ अङ्क रहेको छ ।
गुजरातले ५ खेलमा जित हासिल गरेको छ भने ६ खेलमा पराजित भएको छ । एक खेल भने बराबरी खेलेको छ । हैदरावादको लागि आजको खेल निकै महत्वपूर्ण मानिएको छ । हैदरावादले आजको खेल जिते प्लेअफमा आफ्नो स्थान सुरक्षित गर्न सफल हुनेछ ।
अन्यथा हैदरावादलाई प्लेअफमा पुग्न अर्को खेलको प्रतिक्षा गर्नुपर्नेछ । त्यस्तै प्लेअफको दौडवाट बाहिरि सकेको गुजरात आज लिग चरणको अन्तिम खेल खेल्दैछ । गुजरातले आजको खेल जित्दा र हार्दा कुनै अर्थ राख्ने छैन ।
जारी आईपीएलमा अहिलेसम्म दुईवटा टोली कोलकोता नाइट राइडर्स र राजस्थान रोयलले मात्र प्लेअफमा स्थान बनाएका छन । अन्य दुई टोलीको अहिलेसम्म टुङ्गो लाग्न सकेको छैन। यदि आजको खेल हैदरावादले जिते उ प्लेअफमा पुग्नेछ ।
