पेरिस ओलम्पिक २०२४ मा जेन्डर विवादमा परेकि अल्जेरियाकि महिला बक्सिङ खेलाडी इमान खलिफले क्वार्टरफाइनलमा हंगेरीकि एना लुका मामोरीलाई पराजित गर्दै पदक पक्का गरेकि छिन् ।
महिलातर्फको ६६ किलो ग्रामतर्फ भएको भिडन्तमा इमानले उत्कृष्ट प्रदर्शन गर्दै हंगेरीकि लुकालाई ५–० अङ्को अन्तरले पराजित गरेकि हुन् । यो जितसँगै सेमिफाइनलमा प्रवेश गरेकि इमानले कम्तिमा पनि काँश्य पदक पक्का गरेकि हुन् ।
इटालीकि एन्जोला क्यारिनीसंगको भिडन्तपश्चात अन्तर्राष्ट्रियस्तरमा इमानको निकै आलोचना भएको थियो । त्यस्तै सामाजिक सञ्जालमा समेत उनको आलोचना गर्नेहरुको भिड नै लागेको थियो । यस्तै विषम परिस्थितिमा पनि इमानले शान्दार प्रदर्शन गर्दै सेमिफाइनलमा पुगेकि हुन् ।
जेन्डर विवादमा परेपछि निकै दबावमा परेकि इमानले क्वाटर फाइनलमा हंगेरीकि खेलाडीलाई पराजित गरेपछि रुन पुगेकि थिइन् । जितपछि रिङमै रुन पुगेकि उनलाई पछि प्रशिक्षकहरुले सम्हालेका थिए ।
