बंगलादेशले पाकिस्तानविरुद्ध भएको दोश्रो टेष्ट म्याच ६ विकेटले आफ्नो पक्षमा पार्दै ऐतिहासिक जित हासिल गरेको छ । यो जितसँगैै दुई म्याचको टेष्ट श्रृंखलामा बंगलादेशले पाकिस्तानलाई २–० ले पराजित गर्दै श्रृंखलामाथि कब्जा जमाएको छ।
पाकिस्तान विरुद्ध बंगलादेशलाई ऐतिहासिक जित दिलाउन बंगलादेश फास्ट बलर हसन महमुदले उत्कृष्ट बलिङ्ग गरेका थिए । महमुदले दोश्रो टेष्टका दुवै इनिङमा पाकिस्तानको कुल ९ विकेट लिएका थिए । दोश्रो इनिङमा पाकिस्तानलाई १७२ रनमा समेट्न महमुदले मात्र ४३ रन दिएर ५ विकेट लिएका थिए ।
पहिलो टेष्टमा बंगलादेशले पाकिस्तानमाथि १० विकेटले जित हासिल गरेको थियो । दोश्रो टेष्टमा पनि पाकिस्तानलाई ६ विकेटले पराजित गर्न सफल भएको बंगलादेशको पाकिस्तानबिरुद्ध टेष्ट क्रिकेटमा यो दोश्रो जित हो । यसअघि पाकिस्तान विरुद्ध भएका १४ टेष्टमा बंगलादेशले पराजित भएको थियो ।
