काठमाडौं । खेलकुद फोटो पत्रकार सरोज नेपाल हरि गोपाल प्रधान पत्रकारिता पुरस्कार–२०८० बाट सम्मानित भएका छन् ।
राष्ट्रिय फोटो पत्रकार समूह नेपालले संस्थाको २७ औँ साधारणसभा तथा १३ औँ अधिवेशनमा नेपाललाई खेलकुद विधातर्फ फोटो पत्रकार पुरस्कार प्रदान गरेको हो ।
खानेपानीमन्त्री प्रदीप यादवले काठमाडौँमा आयोजित कार्यक्रममा नेपालसहित अन्य ७ जना फोटो पत्रकारहरूलाई प्रमाण पत्रसहित सम्मानित गरे ।
खेलकुद विधामा नेपालले गरेको कामको उच्च प्रशंसा गर्दै उनलाई सम्मानित गरिएको हो । करिब साढे २ वर्षदेखि नेपालखबरमा कार्यरत फोटो पत्रकार नेपाल विशेषगरी खेलकुद क्षेत्रमा दख्खल राख्छन् ।
