काठमाडौं। नेपाली राष्ट्रिय महिला भलिबल टोलीकी स्पाइकर सरस्वती चौधरी अष्ट्रेलिया फर्किएकी छिन्।
पछिल्लो समय अष्ट्रेलियामा बस्दै आएकी सरस्वती पाँचौं संस्करणको टाइगर कप खेल्न स्वदेश फर्किएकी थिइन् ।
टाइगर कपको समापन लगत्तै सरस्वती पुनः बिहीबार अष्ट्रेलिया फर्किएकी हुन् ।
उनले विभागीय टोली नेपाल एपीएफ क्लबबाट घरेलु प्रतियोगिता खेल्दै आएकी थिइन्।
पाँचौं संस्करणको टाइगर कपको फाइनलमा आयोजक टाइगर ग्रुपसँग पराजित हुँदै एपीएफ उपविजेता बनेको थियो।
