काठमाडौं । नेपाली राष्ट्रिय महिला क्रिकेट टोलीकी अलराउण्डर पूजा महतो घरेलु मैदानमा सम्पन्न महिला त्रिकोणात्मक अन्तर्राष्ट्रिय टी-२० क्रिकेट शृंखलाको उत्कृष्ट नेपाली खेलाडी घोषित भएकी छिन् ।
कीर्तिपुरस्थित टियु क्रिकेट मैदानमा सोमबार सम्पन्न त्रिकोणात्मक श्रृंखलाको उत्कृष्ट नेपाली खेलाडी बनेसँगै पूजाले यामाह स्कुटर प्राप्त गरेकी छिन् ।
पूजाले श्रृंखलाको कुल ६ खेलमा १३४ रन बनाउनुका साथै ३ विकेट लिएकी लिइन् । उनले नेदरल्यान्डविरुद्धको खेलमा अविजित रहँदै अर्धशतक प्रहार गरेकी थिइन्।
पूजा नेपालको लागि सबैभन्दा बढी रन बनाउने र सर्वाधिक विकेट लिने खेलाडीको सुचीमा चौथो स्थानमा रहिन् ।
श्रृंखलाको सर्वोत्कृष्ट खेलाडी भने थाइल्याण्डकी थिप्चा पुत्थावोंग भइन्। उनले श्रृंखलाको ६ खेलमा १६ विकेट लिएकी थिइन्।
