पोर्चुगलका राष्ट्रिय फुटबल खेलाडी डियोगो जोटाको कार दुर्घटनामा परी निधन भएको छ । स्पेनको जमोरा प्रान्तमा भएको कार दुर्घटनामा जोटासँगै उनको भाईको पनि निधन भएको छ ।
२८ वर्षीय फरवार्ड जोटा इङ्गलिस फुटबल क्लब लिभरपुलबाट खेल्दै आएका थिए । प्रारम्भिक रिपोर्टका अनुसार जोटा र उनका भाई सवार कार अनियन्त्रित भई दुर्घटना भएको बुझिन आएको छ । दुर्घटनापछि कारमा आगो लागेको थियो ।
जोटा केहि दिनअघि मात्रै विवाह बन्धनमा बाँधिएका थिए । फुटबल स्टार जोटाको निधनको खबरले अहिले विश्व फुटबलमा सनसनी फैलिएको छ, फुटबलमा गहिरो शोक छाएको छ ।
