अर्जेन्टिनाका फुटबल स्टार लियोनल मेस्सीको बुबा जोर्जको निधन भएको छ । लामो समयको बिरामी पश्चात ६८ वर्षको उमेरमा जोर्जको निधन भएको हो । जोर्जको शुक्रबार राती अर्जेन्टिनाको रोसारियो शहरको एक अस्पतालमा निधन भएको हो।
फिफा विश्वकप २०२६ का दौरान जोर्ज गम्भिर बिरामी भएको खबर आएको थियो । अल्जेरियाविरुद्धको खेलमा गोल गरेपछि मेस्सीले निकै भावुक हुदै आँखाबाट आशु झारेका थिए । पछि मेस्सीले उक्त आँशु फुटबलसँग सम्बन्धित नभएको बताउँदै यतिबेला मेरा प्रत्येक दिन निकै कठिन भएको प्रस्ट पारेका थिए।
जोर्ज बिरामी भएपछि मेस्सीको फुटबल तालिकामा निकै असर परेको थियो । इन्टर मियामीका फरवार्ड मेस्सी बुबा गम्भिर बिरामी भएकै कारण जुलाईको अन्तिम समयमा एमएलएस अल-स्टारविरुद्धको खेलमा सहभागि हुन सकेका थिएनन्।
जोर्ज शुभारम्भ देखि नै आफ्नो छोरा मेस्सीको करियरको अहम हिस्सा रहेका थिए । उनले सानो उमेरदेखि नै मेस्सीलाई साथ दिनुको साथै उनका हरेक क्रियाकलापमा विशेष भूमिका निभाएका थिए।
जोर्ज मेस्सीको एजेन्ट बन्नुको साथै बार्सिलोना, पेरिस सेन्ट-जर्मेन र इन्टर मियामीसम्म ट्रासफरको भूमिकामा रहेका थिए । जोर्जको परिवारमा उनकि पत्नी सेशिलिया, छोरा लियोनेल मेस्सी, रोङिगो, मटियास र छोरी मारिया सोल र नाती नाती-नीहरु रहेका छन्।
