एजेन्सी । वेस्ट ब्रोमका गोलकिपर साम जोन्सटनको उत्कृष्ट प्रदर्शनमा म्यान्चेस्टर सिटी बराबरीमा रोकिएको छ । यो बराबरीले सिटीलाई तालिकाको छैठौ स्थानमै सिमित राखेको छ ।
घरेलु मैदानमा भएको खेलमा सिटी वेस्ट ब्रोमसँग १–१ गोलको बराबरीमा रोक्किएको हो ।
ईल्काए गुन्डोगानले खेल शुरु भएको आधी घण्टाको समयमा रहिम स्टर्लिङ्गको कट ब्याकलाई सदुपयोग गर्दै गोल गरे । उनको यसै गोलको मद्दतमा सिटीले पहिलो हाफमा वेस्ट ब्रोममाथि १–० को अग्रता कायम गर्याे ।
यसपछि ४९औं मिनटमा सिटीका रुबेन डायसले वेस्ट ब्रोमलाई आत्मघाित गोल उपहार दिएपछि खेल बराबरीमा पुगेको थियो ।
यसपछिको समयमा सिटीले गोलको थप दुई वटा मौका बुनेको थियो तर ब्रोमका गोलकिपर जोन्सटनले विफल बनाईदिएपछि खेल बराबरीमा टुङ्गिन पुग्यो ।
बराबरीमा रोक्किएको सिटीको १२ खेलमा २० अंक छ । यस्तै १९औं स्थानमा रहेको वेस्ट ब्रोमको १३ खेलमा ७ अंक भएको छ ।
यो पनि पढ्नुहोस्ः वुल्भससँग चेल्सी पराजित
