ललितपुर । ललितपुरको सातदोबाटोस्थित एन्फा कम्प्लेक्सको खेल मैदानमा जारी शहिद स्मारक बी डिभिजन लिग फुटबलको दौरान रेफ्रीमाथि हातपात भएको छ।
लिग अन्तर्गत बुधबार आज भएको श्री भगवती युथ क्लब र बासॅंबारी क्लबबिचको खेल दौरान रेफ्रिमाथि हातपात भएको हो ।
श्री भगवतीका अनिश श्रेष्ठलाई खेलका रेफ्री सुमन श्रेष्ठले पहेंलो कार्ड दिएका थिए ।
तर रेफ्रिको निर्णय चित्त बुझ्दो नभएको भन्दै उक्त खेलाडीले रेफ्रिलाई उल्टो नराम्रो व्यवहार गरेका थिए ।
त्यसपछि उनी रेड कार्ड खाँदै मैदान बाहिरीएका थिए ।
अधिकांश समय तनावपूर्ण बनको खेलको अन्तिम समयमा रेफ्री सुमन श्रेष्ठ र मधुकर आचार्यमाथि श्री भगवती क्लबका अफिसियलले हातपात गरेका हुन्।
हातपातमा परेका रेफ्रीहरुको अवस्था भने सामान्य रहेका श्रोतले जनाएको छ ।
यस विषयमा छानबिनका लागि एन्फा लिग कमिटि र एन्फा अनुशासन कमिटिबीच बिहीबार बैठक बस्ने बताइएको छ ।
बैठबकले विबादिन खेलको भिडियो फुटेज लगायत अन्य अधिकारिक प्रमाणको आधारमा सत्यतथ्य छानबिन गरि दोषिलाई आवश्यक कारबाहिको निर्णय गर्ने एन्फा श्रोतले जनाएको छ ।
यस खेलमा बाँसबारी क्लब २–१ विजयी भएको थियो ।
