इन्टर मिलानले इटालियन सुपर कपको उपाधि जितेको छ ।
बुधबार राति भएको फाइनलमा एसी मिलानलाई ३-० गोल अन्तरले पराजित गर्दै इन्टरले उपाधि जितेको हो ।
इन्टर उपाधि दिलाउन फेडेरिको डिमार्को, इडेन जेको र लाउटारो मार्टिनेजले एक एक गोल गरे ।
खेलको दशौँ मिनटमा फेडेरिकोको गोलबाट इन्टरले पहिलो अग्रता लिएको थियो ।
२१ औं मिनटमा इडेनले गोल गेरेपछि पहिलो हाफमा इन्टर २-० ले अघि रहेको थियो ।
त्यसपछि खेलको ७७ औं मिनटमा मार्टिनेजले गोल गर्दै इन्टरलाई ३-० को जितसहित उपाधि दिलाए ।
यससँगै इन्टरले सातौं पटक इटालियन सुपर कपको उपाधि जितेको हो ।