२०२० को अन्तिम दिन खेलिएको स्पेनिस ला लिगामा रियाल सोसिडाड विजयी भएको छ ।
एथ्लेटिक बिल्बाओको घरेलु मैदानमा बिहिबार सम्पन्न खेलमा रियाल सोसिडाड १–० गोल अन्तरले विजयी भएको हो ।
उसको जितमा मिडफिल्डर क्रिष्टियन पोर्टुले गरेको एक मात्र गोल नै सोसिडाडको जितमा पर्याप्त रह्यो ।
खेलको पाँचौ मिनटमा मिकेल ओयार्जेबालको असिस्टमा पोर्टुले गोल गर्दै पहिलो हाफमा सोसिडाडलाई १–० को अग्रता दिलाए ।
यसपछिको बाँकी समयमा दुबै टोलीबाट थप गोल नभएपछि सोसिडाडले नयाँ वर्षको सन्ध्यामा भएको खेलमा स्पष्ट तीन अंक खातामा जोड्न सफल भयो ।
एथ्लेटिक क्लबले सोसिडाडबिरुद्ध खेलेको पछिल्लो ५ खेलमा चारमा हार बेहोरेको छ ।
जितसँगै सोसिडाड अंक तालिकाको तेश्रो स्थानमा उक्लिएको छ । उसको १७ खेलमा २९ अंक छ । यस्तै हार बेहोरोको एथ्लेटिक १६ खेलमा १८ अंकका साथ १२औं स्थानमा छ ।
यो पनि पढ्नुहोस्ः लिभरपुल जित्न असफल
