नेकपा माओवादी केन्द्रका नेता महेश्वर गहतराज युवा तथा खेलकुदमन्त्री बनेका छन् ।
माओवादी नेता गहतराज शुक्रबार देउवा सरकारको युवा तथा खेलकुदमन्त्रीमा नियुक्त भएका हुन् ।
मन्त्री बने लगतै गहतराजले मन्त्री पदको शपथ लिएका छन् ।
बाँकेबाट निर्वाचित हुदै प्रतिनिधिसभा सदस्य बनेका गहतराज पहिलोपटक मन्त्री पदमा आसिन भएका हुन् ।
यस मन्त्रालयका लागि माधव नेपालको नेतृत्वमा गठित नेकपा एकिकृत समाजवादीका सचिवको जिम्मेवारी पाएका जिवनराम श्रेष्ठको बारेमा निक्कै चर्चा रहेपनि पछिल्लो समय सत्तागठबन्धनको सहमितमा गहतराजलाई खेलकुद मन्त्रालयको जिम्मेवारी सुम्पिएको हो ।
श्रेष्ट नेपाल ओलम्पिक कमिटीको अध्यक्ष हुन् भने उनलाई आजैमात्र नेकपा एकिकृत समाजवादी पार्टीको केन्द्रिय सचिवको जिम्मेवारी दिईएको छ ।
