स्पेनिस ला लिगा फुटबल अन्तर्गत शनिबार राति सम्पन्न खेलमा बार्सिलोना पराजित भएको छ ।
बार्सिलोना घरेलु टोली जिरोनासँग ४-२ गोल अन्तरले पराजित भएको हो ।
जिरोनाको जितमा क्रिस्टियन पोर्चुले २ तथा मिगुएल गुटेरेज र आर्टेम डोभविकले १-१ गोल गरे ।
बार्सिलोनाका लागि एन्ड्रेस क्रिस्टियन्सन र रोबर्ट लेवान्डोस्कीले एक एक गोल फर्काए पनि टोलीको जितका लागि पर्याप्त भएन ।
जितसँगै ३४ खेलबाट ७४ अंक जोडेको जिरोना बार्सिलोनालाई पछि पार्दै दोश्रो स्थानमा उक्लिएको छ।
समान खेलमा ७३ अंक रहेको बार्सिलोना तेश्रो स्थानमा झरेको छ।
