पोखरा। न्यु डायमण्ड स्पोर्ट्स क्लबले टाइगर कप आमन्त्रित राष्ट्रिय क्लब च्याम्पियनसिप महिला तथा पुरुष भलिबल प्रतियोगिताको महिलातर्फ लगातार दोश्रो जित हासिल गर्दै शिर्ष स्थामा उक्लिएको छ ।
पोखरा रंगशालास्थित भलिबल ट्रेनिङ सेन्टरमा मंगलबार भएको दोश्रो संस्करणको दोश्रो खेलमा आयोजक गण्डकी प्रदेशलाई ३-० को सोझो सेटमा पराजित गर्दै डायमण्ड शिर्ष स्थानमा उक्लिएको हो ।
श्रीलंकन राष्ट्रिय टोलीका तीन खेलाडीसहित कोर्टमा उत्रिएको गण्डकीलाई सोझो सेटमा पराजित गर्ने क्रममा डायमण्डले २५-१९, २५-१३ र २५-१६ को सहज जित निकाल्यो ।
जितसँगै दुई खेलबाट ६ अंक जोड्दै डायमण्ड शिर्ष स्थानमा उक्लिएको हो । राष्ट्रिय टोलीकी कप्तान समेत रहेकी करुणा शाहीको कप्तानीमा रहेको गण्डकीले भने हारबाट प्रतियोगिताको शुरुवात गरेको छ ।
प्रतियोगिताको फाइनल खेल माघ १ गते हुनेछ । प्रतियोगितामा पुरुषतर्फ गण्डकी प्रदेश, त्रिभुवन आर्मी क्लब, नेपाल पुलिस क्लब, नेपाल एपिएफ क्लब र टिप टप हेल्प नेपाल स्पोर्ट्स क्लब गरि पाँच टोली सहभागि छन् ।
यस्तै महिलातर्फको सहभागि पाँच टोलीमा आयोजक टाइगर ग्रुप अफ पोखरा नेपालसहित नेपाल पुलिस क्लब, नेपाल एपिएफ क्लब, त्रिभुवन आर्मी क्लब र होङ्गान्जी न्यू डायमण्ड स्पोर्ट्स क्लब रहेको छ ।
प्रतियोगिताको विजेता महिला तथा पुरुष टिमले समान ३ लाख प्राप्त गर्दा उपविजेता टोलीले १ लाख ५० हजार तथा तृतियले हुनेले ७५ हजार प्राप्त गर्नेछ ।
त्यस्तै सान्त्वना हुने टोलीले ३५ हजार प्राप्त गर्ने आयोजकले जनाएको छ ।
महिला तथा पुरुषतर्फको सर्वोत्कृष्ट खेलाडीले समान २५ हजार प्राप्त गर्दा हरेक विधाका उत्कृष्ट ९स्पाइकर, सेटर, ब्लकर, सर्भर, लिवेरो र प्रशिक्षक० ले समान १०–१० हजार प्राप्त गर्नेछन् ।
